Maze ubwisanzure bw'isi bube bushya Nko kuri Pentekosti ya mbere Hindura imitima yacu ly'amabuye uyihindure iy'umubiri Duhinduke abantu bashya Maze tubone guhindura isi Twuzuze ingabire zawe tubane nawe Nta cyo twashobora udahari. Twuzuze ingabire zawe Twuzuremo urukundo rwawe Tugire ibyishimo biguturutseho Bitari nk'iby'isi itanga Ibyishimo isi idashobora kutwaka. Twuzuze ingabire zawe Uduhe amahoro yawe Uduhe ugutuza kwawe Uduhe ukwihangana kwawe Uduhe umutima utuza ukoroshya Ikikubangamiye muri twe ukidukize Ububi bwose muri twe ubutwikishe umuriro wawe Kuko umuriro wawe utwika, usukura Ugatuma dusa nawe. Twuzuze ingabire zawe Uduhe kwemera, tumenye ko uri muri twe Uduhe kwigomwa no kwihatira gufasha abavandimwe bacu Dutume; uri muri twe Tuvugiremo; duhe gusenga Duhe umutima wo kuririmba ubushobozi bwawe Uduhe no gukunda abavandimwe bacu. Twuzuze ingabire zawe Ngwino Roho Mutagatifu Uduhindure ituro rizahoraho Kugira ngo tuzashobore guhabwa umurage wawe hamwe n'abatagatifu bose. Cyane cyane hamwe na Bikira Mariya, Umubyeyi Muhire w'lmana N'Abatagatifu bose bakuduhakirwaho ubudahwema. Roho w'Umutegetsi Yakwiriye ku isi yose. Alleluya! Ni na we ugenga byose akamenya n'ibihavugirwa byose. Alleluya!